Kandidatët e PS-së, ja 29 emrat e konfirmuar për kryebashkiakë/ Pikëpyetjet për Durrësin, Shijakun dhe…

Partia Socialiste do të mbledhë të mërkurën, 8 maj, kryesinë e saj, ku pritet të diskutohen emrat e kandidatëve për kryebashkiakë, si dhe kandidatët për këshilltarë në zgjedhjet lokale të 30 qershorit.

Ndërkohë dy ditë më pas, do të jetë Asamblea Kombëtare e PS-së, e cila përfundimisht do të miratojë kandidatët, qoftë për kryetar bashkie, ashtu edhe për këshilltarë.

E ndërsa në disa bashki, socialistët kanë propozuar më shumë se një emër, në 29 bashki janë përcaktuar kandidatët për kryebashkiakë, madje janë prezantuar dhe kanë nisur edhe fushatën.

Nga bashkitë e mëdha pothuajse janë përcaktuar të gjithë kandidatët me përjashtim të Durrësit dhe Vorës, ndërsa në disa prej bashkive të tjera, Asambletë e PS-së, nuk ka arritur të dakordësohen duke përcjellë më shumë se 1 kandidaturë.

Në Durrës janë në garë të paktën 4 emra, ndërkohë që në Shijak raportohet se asnjë prej kandidatëve të përzgjedhur nga PS nuk është pranuar nga Rama, i cili ka kërkuar përzgjedhjen e një kandidateje femër.

Kështu, pritet që kryesia e PS-së të përcaktojë kandidatët që do t’i paraqiten Asamblesë Kombëtare në 32 njësi të qeverisjes vendore, duke përmbyllur kështu një proces që ka shënuar përplasje, madje edhe dhunë fizike ndaj kandidatëve të caktuar.

Nga emrat e deritanishëm, PS do të garojë për kryebashkiakë 5 deputetë, që duhet të dorëzojnë mandatet, ndërkohë që rikandidojnë për një tjetër mandat 14 kryebashkiakë.

Kandidaturat e konfirmuara

1. Erjon Veliaj– Tiranë
2. Rakip Suli– Kamëz
3. Arben Rugia– Kavajë
4. Ervin Demo– Berat
5. Sybi Shehu– Kuçovë
6. Juliana Memaj– Ura Vajgurore
7. Gledian Llatja– Elbasan
8. Arif Tafani– Belsh
9. Kastriot Gurra– Librazhd
10. Nuri Belba– Përrenjas
11. Armando Subashi– Fier
12. Fredi Kokoneshi– Divjakë
13. Rajmonda Balilaj– Patos
14. Majlinda Bufi– Roskovec
15. Sotiraq Filo– Korçë
16. Ilir Xhakolli– Pogradec
17. Valdrin Pjetri– Shkodër
18. Tonin Marinaj– Malësi e Madhe
19. Gjon Gjoni– Pukë
20. Safet Gjici– Kukës
21. Rexhë Byberaj– Tropojë
22. Dritan Leli– Vlorë
23. Shuaip Beqiri– Konispol
24. Jorgo Goro– Himarë
25. Flamur Golemi– Gjirokastër
26. Tërmet Peçi– Tepelenë
27. Artur Bushi– Krujë
28. Pjerin Ndreu– Lezhë
29. Ndrec Deda– Mirditë