Sali Berisha, ish-kryeministër, theksoi mbrëmjen e sotme, se Samiti i Berlinit ishte i një rëndësie të jashtëzakonshme për paqen në Rajon dhe për shqiptarët.
“Pas 141 vitesh, një kancelar gjerman, hodhi në koshin e plehrave përpjekjen për një tjetër copëtim të trojeve shqiptare.
Idea e Serbisë së Madhe u varros në Berlin në samitin e fundit”, tha Berisha.
“Milloshevici, që ishte njeriu më me pushtet në Serbi, e kishte të qartë se situate nuk zgjidhej me Kosovën apo me Rugovën, por me Shqipërinë.
Ndaj dhe mua më vinin me harta për të bërë ndarjen dhe unë refuzoja në mënyrë kategorike.
Kanë ardhur disa me harta, janë deputetë dhe ish-deputetë të vendeve të tjera jo të Serbisë, dhe më thonin a isha dakort apo jo, sepse do të ndahej edhe Maqedonia.
Greqia kishte një kompleks të madh se nga Maqedonia do të humbiste kufirin me Serbinë dhe ky kufi i duhej kundër Turqisë.
Në këtë mes operacion bëhej Maqedonia, Kosova dhe natyrisht Serbët tentonin të merrnin gjithçka që ishte e tyre, megjithëse nuk i takonte.
Kur ka ardhur ministri i Jashtëm serb në kohën që unë isha kryeministër, i kam thënë që mos fliste fare për Kosovën, sepse në të kundërt do të ishte një ulje e fuqisë negociuese të Kosovës”, tha Berisha.
