Presidenti Ilir Meta, i pranishëm në homazhet e zhvilluara sot te varrezët “Dëshmorët e Kombit”, ku nderoi dëshmorët e Atdheut, i përcolli edhe një mesazh politikës, e cila ndodhet në një krizë të thellë.
Meta kërkoi reflektim përmes dialogut politik.
“Sot është një ditë e veçantë për të gjithë popullin shqiptar. Është dita e Qemal Stafës dhe të rinjve dhe të rejave që bënë sakraficat më sublime për ta vendosur Shqipërinë në anën e duhur, aty ku është edhe sot.
Sot është një ditë reflektimi për të vendosur në plan të parë të ardhmen e vendit përmes dialogut në mëyrë që të nderojmë si duhet kujtimin e atyre që kanë bërë sakrificat e atyre që kanë dhënë jetën për lirinë”, u shpreh presidenti Ilir Meta.