Në emisionin “Zonë e Lirë” ka qenë i ftuar Jarl Ale de Basseville, i njohur nga publiku shqiptar si Princi i Libofshës. Në emision, Jarl ka treguar për planin e tij për legalizimin e kanabisit në Shqipëri, ku ka dhënë disa detaje se si ka ndërmend ta realizojë dhe thotë se kultivimi i kanabisit do të jetë nën kujdesin e mbretit, siç ai ka shprehur dëshirën më parë për ta bërë Shqipërinë monarki.
“Jam i bazuar në raportin e OBSH dhe koncepti është shumë i thjeshtë. Legalizimi i kanabisit do të ofrojë një mundësi për Shqipërinë që të sigurojë 1 miliard dollarë në vit të ardhura dhe të krijojë shumë vende pune. Kështu mund të lajmë borxhin e Shqipërisë. Kemi përdorimin mjekësor, duhet të krijojmë një administratë narkotikësh, kam takuar njerëz që kanë mundësuar legalizimin në Holandë dhe Spanjë, duhet të vijnë në administratë për këtë gjë, për çdo lloj përdorim i kanabisit”, tha Jarl.
“Fakti që do legalizohet, nuk do kontrabandohet, do uli çmimi i tij dhe njerëzit që e kanë kultivuar, do dalin me humbje të madhe”, tha Curi dhe ka kërkuar mendimin e Princit për këtë aspekt. “Në Shqipëri është kudo në vend, por këtu nuk është i mirë. Kam parë që në Shqipëri është traditë rritja e kanabisit. Ju keni një bimë të tërë dhe e keni unike… Nëse amerikanët vendosin ta nxjerrin kanabisin në tregun e bursës, gjithçka ndryshon, tani shikohet si një mundësi financiare”, tha Jarl.
