Gënjeshtari më i mirë, që po mbyt Tiranën me kulla. Kështu e cilësoi Petrit Vasili, nënkryetar i LSI-së, kryebashkiakun Erjon Veliaj, i cili kërkon një mandate të dytë për të drejtuar Tiranën.
Në studion e “A Show”, Vasili tha se ne s’kemi zgjedhje në horizont, se qeveria ka dalë nga një mazhorancë e paligjshme, pra një kryeministër që i vodhi do t’i administrojë sërish zgjedhjet.
“Të vëmë kusarin të qeverisë sërish, kjo s’mund të ndodhë. Nga ana tjetër Veliaj nuk më thotë asgjë si emër i përveçëm, nuk më thotë asgjë.
S’më ngjall asnjë lloj respekti i flet karrigia, ka zhbërë një pjesë të Tiranës sime. Ka dhënë leje për 170 kulla.
Di që gjithçka që i takon zemrës së Tiranës ka mbaruar. Ka nisur një kullë edhe mbrapa Kishës Katolike. Ideja që gënjeji tu marrim votat e pastaj t’ju bëjmë gropën s’mund të funksionojë më.
Ne s’mund të jemi më viktima të gënjeshtarit më të mirë”, u shpreh Vasili.
DENONCO