Deklarata e fortë e Aida Shtinos/ Drejtues të mediave të shitur te pushteti, TV po shkojnë drejt…

Gazetarja Aisa Shtino ka bërë një deklaratë të fortë, ku pohon se drejtues të mediave në vend janë të shitur te pushteti.

Ajo thekson se formatet televizive po shkojnë drejt falsitetit dhe fryrjeve boshe. Sipas saj nuk kanë përmbajtje.

Në një intervistë për dosja.al, Shtino shprehet se ka edhe media apo gazetarë edhe emisione që përpiqen të ruajnë përmbajtjen dhe të trasmetojnë vlera tek publiku, por gjithsesi ato janë te pakta.

“Nuk e di por me keqardhje e them se në vend të përmiresohet gjendja e televizionit dhe formateve televizive, për mua ato po shkojnë drejt falsitetit dhe fryrjeve boshe. Mungon përmbajtja. Mungojnë gjerat e bëra me shpirt dhe pasion.

Formate televizive që kopjojnë njëra- tjetrën… Unë jam gazetare dhe kur shikoj që ekranet janë mbushur me njerëz që dalin e flasin për gazetarinë, por që nuk dinë parimet bazë të saj, ndjej një trishtim në shpirt.

LEXO EDHE  Pse Rama nuk e bëri Taulant Ballën ministër të Brendshëm? Ja si e shpjegon Berisha

Gazetarë që publikojnë lajme pa i verifikuar, për të bere sa më shumë klikime. Imagjinoni para një viti më bënë te vdekur dhe kete lajm e pasqyruan të gjitha portalet edhe me seriozet ne vend, aq sa m’u desh për dy javë rrjesht të qetesoja familjarët e mi, si dhe t’u pergigjesha njerëzve te ndryshem qe pyesnin se si isha… Drejtues mediash të shitur tek pushteti.  Sigurisht që ka edhe media apo gazetarë edhe emisione që përpiqen të ruajnë përmbajtjen dhe të trasmetojnë vlera tek publiku, por gjithsesi ato janë te pakta”, shprehet Shtino.