Mund ta keni vënë re se, kryesisht në banjot publike, dyert e tualeteve nuk janë të mbyllura plotësisht. Ato kanë një të hapur në fund të derës dhe ka njerëz edhe që bezdisen nga kjo gjë sepse në fund të fundit, kush nuk do të donte privatësi të plotë në tualet?
Gjithsesi, janë disa arsye se pse dyert e tualeteve nuk janë plotësisht të mbyllura.
Ndër to mund të radhisim:
Pastrimi bëhet më lehtë
Pjesa e hapur në fund të dyerve të tualeteve publike e bën më të lehtë punën e pastruesve. Ata mund ta fusin leckën e larjes së pllakave më kollaj, pa e hapur derën fare.
Shkurton numrin e punonjësve të punësuar
Meqë puna bëhet me e lehtë, atëherë një pastrues/e mund t’ia dalë i vetëm.
Kontroll i shpejtë
E hapura në fund i ndihmon njerëzit që ta kuptojnë nëse tualeti është i zënë apo jo, pa pasur nevojë që të trokasin derë më derë.
Mund të kërkoni letra higjienike
Nëse dikujt i ka mbaruar letra higjienike, falë të “çarës” në derë mund t’ia japë dikush tjetër pa pasur nevojë të hapet dera.
Moslejimi i dy personave në një tualet
Nëse dyert do të ishin plotësisht të mbyllura në tualet mund të futeshin pa problem dy persona, gjë që nuk lejohet.
Nuk mund të mbetesh i mbyllur brenda
Edhe në qoftë se ju ngec dera dhe nuk hapet, ju mund të ngjiteni sipër ose edhe të kaloni nën derë për të dalë nga tualeti.
