Nard Ndoka, kryetar i PDK-së, tha mbrëmjen e sotme, se Holanda mori një vendim për të mbrojtur veten e saj nga ne.
“Ata na thanë qartë keni një qeveri të lidhur me krimin e organizuar, ky është një sinjal shumë i fortë”, tha Ndoka në studion e News 24.
Ndoka theksoi se ndjehet shumë mirë nga momenti që ka dorëzuar mandatin e Kuvendit, ndërsa e ka cilësuar këtë moment si maksimalin përsa i takon besimit që ka fituar opozita nga qytetarët shqiptarë.
“Protestat e organizuara nga opozita janë më masivet të 28 viteve të fundit. Në protesta dalin qytetarët, madje edhe ata që kanë votuar edhe Edi Ramën, dhe ky është një tjetër moment pozitiv.
Të tre protestat madhore të opozitës u pasqyruan në mediat ndërkombëtare, çka do të thotë se vëmendja e ndërkombëtarëve është kthyer në Tiranë, pasi e shikojmë se këtu ka një krizë.
Por mos mendoni se ndërkombëtarët e kanë mendjen vetëm këtu, mos shikoni Holandën që problemin e madh që u shkaktua nga krimi e bëri që të merrte një vendim për të mbrojtur veten”, tha Ndoka.
Në vijim ai tha se Lulzim Basha është politikani që ndërmorri hapin për pastrimin e politikës nga krimi dhe këtë duhet ta pranojmë, pasi ishte propozim i tij personal ligji për dekriminalizimin.
“Lulzim Basha n’a ka garantuar se sdo të ketë marrëveshje me Ramën si ajo e 17 majit, sikundër n aka garantuar se s’do të ketë zgjedhje me Edi Ramën kryeministër”, tha Ndoka, duke shtuar se ai gëzon mbështetjen e qytetarëve shqiptarë.
