Policia e Kosovës ka bërë të ditur se dje pasdite ka arrestuar në Podujevë një grua për armëmbajtje pa leje.
Sipas raportit 24-orësh, lajmin për policinë e ka bërë të ditur vëllai i të dyshuarës që ka bërë të ditur se ka parë motrën e tij në oborrin e shtëpisë së tij me një armë në dorë.
Policia ka ndaluar të dyshuarën dhe gjatë verifikimit dhe kontrollimit në trup i është gjetur dhe konfiskuar arma-revole e llojit “Beretta” me katër (4) fishekë kal.7.65 mm.
E dyshuara pas shoqërimit dhe intervistimit në Polici me vendimin e prokurorit, lirohet në procedurë të rregullt.
“Ankuesi mashkull K/Shqiptar ka njoftuar se motra e tij e dyshuara femër K/Shqiptare, është parë në oborrin e shtëpisë së tij me një armë –revole në dorë. Patrulla policore ka ndaluar të dyshuarën dhe gjatë verifikimit dhe kontrollimit në trup i është gjetur dhe konfiskuar arma-revole e llojit “Beretta” me katër (4) fishekë kal.7.65 mm. E dyshuara pas shoqërimit dhe intervistimit në Polici me vendimin e prokurorit, lirohet në procedurë të rregullt”, shkruhet në raportin e policisë.
