Ambasadori i BE kërkon hyrjen e opozitës në zgjedhje/ Ish-deputeti: Soreca do ketë qenë tapë…

Ambasadori i BE-së në Tiranë, Luigi Soreca, kërkoi sot pjesëmarrjen e të gjitha partive në zgjedhjet vendore të 30 qershorit, ndërsa apeloi për dialog mes palëve.

Soreca tha se tashmë është koha për dialog, në mënyrë që edhe opozita të marrë pjesë në zgjedhje, ndërsa përshëndeti ngritjen e grupeve të reja parlamentare.

Por ndaj deklaratave të Soreca ka reaguar, Petrit Vasili, ish-kryetar i Grupit Parlamentar të LSI-së.

Në studion e Syri.net, Vasili tha se me siguri Ambasadori i BE-së ose ka bërë humor, ose ka konsumuar pije alkoolike.

LEXO EDHE  ‘Dako i njeh Avdylajt’/ Gazetarja zbulon çfarë tha Gjushi para prokurorëve

“Do ketë qenë ndonjë aktivitet ku ka patur koktelje dhe pije alkoolike. Ai vjen nga Italia, një shtet që ka politikë prej mijëra vjetësh. Unë jam i bindur që z.Soreca ka bërë humor dhe në këtë rast mos e merrni seriozisht. Është një burrë me humor të mirë”, deklaroi Vasili.