Vendimi i Parlamentit të Holandës për të vendosur regjimin e vizave me Shqipërinë ka shkaktuar një sërë reagimesh.
Në një raportim të deklaratave që bën Deutsche Welle në faqen e saj online përmenden thëniet e ambasadorit të BE-së, Luigi Soreca, ambasadës së Holandës, Presidentit, qeverisë dhe opozitës në Shqipëri. Por në fund bëhet edhe një vlerësim.
“Rezoluta e Parlamentit holandez i është drejtuar qeverisë së Holandës. Nëse qeveria e miraton, që zbatohet duhet edhe miratimi i Komisionit Europian. Sidoqoftë vendimi i qeverisë holandeze dhe më pas i KE, rezoluta e parlamentit holandez për rikthimin e vizave për shqiptarët hedh hije në shpresat e Shqipërisë për të hapur negociatat e anëtarësimit me BE në qershor apo pak muaj më vonë”, transmeton Deutsche Welle.
