Cakaj-Roth, “prekja e ëmbël” e diplomacisë

Nga Boldnews.al

Qeveria e Edi Ramës mori një shuplakë të fortë nga Parlamenti Hollandez, i cili votoi pro mocionit për të rivendosur regjimin e vizave për hyrjen në zonën Shengen të qytetarëve shqiptarë.

Nën trysninë e fortë politike dhe të opinionit publik për këtë zhvillim të rëndë, qeveria e Edi Ramës, nëpërmjet propaganduesve të saj, po mundohet të sfumojë votën kundër të hollandezëve, duke rikthyer në skenë mbështetjen, sipas tyre, që ka Edi Rama në Berlinin zyrtar.

Nën këtë frymë, propaganda qeveritare i referohet, ndër të tjera, edhe takimit që zhvilloi rreth një muaj më parë ministri në detyrë i Jashtëm, Gent Cakaj, me ministrin e Shtetit të Gjermanisë, Michael Roth.

Ky takim i fillim-marsit 2019, u raportua si një mbështetje që Berlini i jep pinjollit të Edi Ramës në krye të diplomacisë shqiptare, Gent Cakaj.

Në fakt, fotoja zyrtare e takimit Cakaj-Roth e dëshmon se kryediplomati në detyrë i Shqipërisë po përdor të gjithë resurset e tij personale për të bindur autoritetet e larta gjermane që të mos u bashkohen kolegëve të tyre hollandezë.

Një prekje e ëmbël, disa gjestikulacione dashamirëse, batuta të zgjedhura, buzëqeshje të ndrojtura dhe shikime zhbiruese “diplomatike” e shndërruan Gent Cakaj në një bashkëbisedues të këndshëm të Michael Roth.

LEXO EDHE  Zbulohet personi misterioz që drekoi me Ramën dhe Erdoganin (FOTO)

“Fitova një përshtypje pozitive për kolegun e ri. Ai është një politikan shumë profesional dhe shumë kompentent në biseda”, u shpreh Ministri gjerman i Shtetit, Roth, në një intervistë për “DW” pas takimit.

Pas takimit me Cakajn, ministri gjerman u shpreh se “e konsiderojmë të papërgjegjshëm bojkotin e parlamentit nga partitë opozitare. Sepse nuk është vetëm bojkot kundër parlamentit ose i qeverisë, por edhe ndaj demokracisë. Parlamenti është vendi, ku duhet bërë debati. Ne kërkuam që këtu të ndërhyhet për zbutje. Por kam frikë se situata tashmë është shumë e helmuar”.

Roth është deputet i Bundestagut gjerman që prej vitit 1998. Prej Dhjetorit 2013, ai është Ministër i Shtetit për Europën në Ministrinë e Jashtme Federale të Gjermanisë, në qeverinë e Angela Merkel.

Ai është një aktivist i mbrojtjes së të drejtave të njeriut dhe, në veçanti të komunitetit LGBT. Michael Roth është martuar në vitin 2012 me partnerin e tij, Michael Kloeppner.