Ikja e Ramës, hapi i parë i zgjidhjes së krizës/ Thirrja e fortë e analistit: Ja ç’duhet të bëjnë shqiptarët…

Ikja e Edi Ramës është hapi i parë i zgjidhjes së krizës. Kjo është një krizë shumë e thellë, një krizë që ka të bëjë me raportin mes forcave politike, por përtej kësaj është kriza e asaj që një pakicë ka kapur shtetin dhe grabit pronën publike të shumicës, pasuritë e shqiptarëve.

Kështu u shpreh analisti Fatos Lubonja për News 24, ku theksoi se pas largimit të Ramës, hapi i dytë është krijimi i një qeverie teknike.

“Por ky është një hap që kërkon debat, lidhur me atë se çfarë mandate do të ketë kjo qeveri, kush do e përbëjë këtë qeveri. Është shumë trishtuese që pas 30 vitesh të dëgjosh sërisht thirrjen “E duam Shqipërinë si gjithë Europa”.

Në fakt për mendimin tim thirrja që duhet të përdoret është “Shteti jemi Ne”, ashtu sikundër ndodh në Malin e Zi dhe Serbi.

Është trishtuese kur shteti përfaqësohet nga një grusht banditësh që janë pakicë,  dhe vjedhin shumicën.

Ndaj them që shqiptarët duhet të dalin dhe të thërrasin “Shteti jemi Ne”, pasi kjo klasë politike e meriton një gjë të tillë.

Pa opozitën nuk mund të ketë zgjidhje, por zgjidhja nuk është që karrigen e Edi Ramës ta zëvendësojmë me Lulzim Bashën.

LEXO EDHE  Një tjetër bashki kërkon lirimin e KZAZ-ve

Edi Rama ka projektin që të ketë në fushë vetëm një bandë, sikundër e kërkoi të gjithë pushtetin në dorën e vet, duke thënë se dua tepsinë. Nëse kjo luftë do të bëhet ashtu siç ndodh në Shqipëri mes bandave dhe ai që fiton merr pushtetin, atëherë më mirë do të ishte që të kishte disa banda që të kishin pushtetin, sesa pushteti të ishte në dorën e vetëm një bande, sikundër është projekti i Ramës”, tha analisti.

Ndërkohë deklaratën e Edi Palokës, nënkryetar i PD-së, i cili tha se do të largohej nga politika nëse zgjedhjet bëhen pa opozitën, Lubonja e cilësoi si një bast të tij me veten. Megjithatë Lubonja shtoi se hap ii parë për zgjidhjen e krizës është largimi i Ramës

Lidhur me ndërhyrjen e ndërkombëtarëve për këtë situatë, Lubonja theksoi se Europa është kujtuar vonë për Shqipërinë.

“Problemet tona nuk mund t’i zgjidhim vetëm ne, ndryshimet për mirë ose për keq në Shqipëri në shumicën e rasteve kanë ardhur më së shumti së jashtmi sesa së brendshmi”, tha Lubonja.