Gjatë protestës së djeshme të opozitës, një prej protestuesve, pas çarjes së kordonit me policë para godinës së Kryeministrisë, preferoi të sh*rronte në derën e godinës qeveritare, duke shprehur në këtë mënyrë të gjithë mllefin ndaj qeverisë.
Fotoja ka bërë xhiron në rrjet, ndërsa paraditen e sotme kryebashkiaku Erjon Veliaj njoftonte se gjobiste PD-në për shkak se një prej protestuesve urinoi para derës së Kryeministrisë.
Gjoba për këtë rast ishte 200 mijë lekë të vjetra.
Por, me një postim në rrjetet sociale, nënkryetari i PD-së Edi Paloka i ka uruar një ditë të mbarë qytetarëve.
“Mirëmëngjes!
Dhe me këtë foto që shpreh gjithë “dashurinë” e shqiptarëve për Edvinin , ju uroj një ditë të mbarë”, shkruan Paloka, i cili duket se ka ironizuar edhe formatin që zgjedh kryeministri Edi Rama për të uruar shqiptarët.
Ndërkohë në një tjetër postim Paloka shkruan “edhe velina e bashkisë tallet me Edvinin. Ja mënyra që ka zgjedhur për ti kujtuar atje ku është, se mbrëmë protestuesit e pshurrën…”
