Jamarbër Malltezi, pedagog në Universitetin Bujqësor të Tiranës, ka reaguar pas lajmeve të raportuara se Senati i UBT është tërhequr nga protestat, për ti hapur rrugën ndërtimit të shkollës “Nënë Tereza”.
Malltezi e ka cilësuar si një “Fake-News”, këtë lajm dhe fton studentët dhe pedagogët e UBT-së, të dalin në protestë.
“Ftoj studentët dhe pedagogët e UBT të protestojme sot kundra qeverisë hajdute dhe mercenarëve të vet në media që blejnë, shantazhojnë dhe krijojne fake-neës në shërbim të parave të korrupsionit qeveritar”, shkruan Malltezi.
Ai ka publikuar edhe vendimin në fuqi i Senatit të UBT, që sipas tij është konfirmuar edhe nga Asamblea Akademike.
