Partia Demokratike, dega Shkodër, përmes një deklarate, ka ftuar qytetarët që t’i bashkohen protestës së opozitës në Tiranë.
Xhevdet Amuli, kreu lokal i PD-së, tha se pjesëmarrja masive e qytetarëve, do t’i tregojë qeverisë se nuk kemi frikë prej saj.
“Shqipëria ka arsye të protestojë dhe të mos e durojë më këtë model qeverisje. Institucionet që duhet të na mbrojnë, qeveria po e kthen kundër nesh, për të dhunuar.
Po e shohim se në këtë vend nuk ka rend publik.
Po shohim sesi policia po merret me ndalimin e njerëzve të pafajshëm që mbrojnë shtëpitë e tyre, ndërkohë vrasësit nuk arrestohen”, tha ai.
