Disa mijëra qytetarë nga rrethe të ndryshme të vendit janë nisur drejt Tiranës për të marrë pjesë në protestën e opozitës, që do të zhvillohet para Kryeministrisë.
Protesta do të nisë në orën 18:00 dhe sipas paralajmërimeve do të ketë surpriza.
Referuar të dhënave të siguruara nga Boldnews.al, nga Korça janë nisur drejt Tiranës mbi 1500 qytetarë, ndërsa nga Gjirokastra 500.
Gjithashtu nga Vlora dhe Fieri pritet të vijnë mbi 3000 qytetarë, ndërsa nga Shkodra dhe Kukësi pjesëmarrja pritet në mbi 10 mijë qytetarë. Po kështu nga Lezha pritet një pjesëmarrje në rreth 3 mijë qytetarë.
Po kështu nga Dibra pritet të vijnë mbi 1500 qytetarë.
Elbasani dhe Durrësi pritet të kenë një pjesëmarrje shumë të lartë, ndërsa nisja e tyre pritet të bëhet rreth orës 16:00.
Burime nga opozita shprehen se në total nga rrethe të ndryshme të vendit pritet një pjesëmarrje prej 45-50 mijë personash, në një nga protestat që pritet të ketë pjesëmarrjen më të lartë. Peshën kryesore të protestës pritet ta mbajë Tirana, në të cilën prej disa ditësh po punohet nga strukturat e PD, LSI dhe partive të tjera të opozitës, për një pjesëmarrje sa më të lartë. /BN/
