Oerd Bylykbashi, ish-deputet i PD-së, ka reaguar lidhur me vendimin e qeverisë për krijimin e “Illyrian Guards”, të cilën e cilëson si Policia Publike Private e Edi Ramës. Bylykbashi thotë se 3 janë arsyet sepse kjo polici u krijua: zgjedhjet, korrupsioni dhe oligarkia.
“Grabitja skandaloze në Rinas e miliona eurove, ku banditët thyen perimetrin e sigurisë se një prej zonave të sigurisë së lartë, do t’u shërbejë këtyre piranjave për të justifikuar këtë vendim skandaloz. Do të dalë minister Sintetiku dhe do të thotë: “E shihni? Kemi qenë largpamës”. Do argumentojë se kjo polici private e Ramës duhet patjetër. Dhe nëse ndodh grabitja tjetër në Rinas, faji nga kinezët do bjerë tek ilirët ama kurrë tek qeveria.
Këta nuk janë Illyrian Guards, këta janë piratë që duan të fshihen pas një identiteti antik! Piratë me maskë, si ata të grabitjes në aeroportin e Rinasit. Duhen shporrur një orë e më parë sepse po grabisin cdo qindarkë të shqiptareve të varfer!”, shkruan Bylykbashi.
Komenti i Oerd Bylykbashit
Illyrian Pirates ose Policia Publike Private (PPP)
Keto PPP po i mbysin shqiptaret. Te gjithe kane degjuar me habi keto dite qe Edi Rama po krijon policine “private publike”. “Illyrian Guards” e kane quajtur. Do te krijohet me parate e taksapaguesve, plot 100 milione leke te vjetra. Paciperia (qe nuk ka pse habit me njeri), i ka cuar piratet ne qeveri qe funksionimin e kesaj parapolicie ta bazoje tek ligji i Policise se Shtetit. Shumekush po vret mendjen apo spekulon per arsyet. Por mos harroni tri motive baze:
Zgjedhjet – PS i duhen vota dhe punesimi i qindra e mijera militanteve apo i njerezve qe duan nje rroge ne shtet, me page, sigurime dhe pushime te garantuara, eshte nje menyre per te blere masivisht vota. Policia private e shtetit do te jete ndermarrje shteterore, ku njerezit do punesohen lehtesisht me kontrata te thjeshta pune, pa kufizimet e konkurseve shteterore. Me pas nuk eshte çudi qe keta lloj policesh, me kerkese te Veliajt, te perdoren kunder protestueve si ata te Astir dhe Bregu i Lumit dhe Lleshet te thone qe nuk ishte policia qe rrahu banoret.
Korrupsioni – te gjitha institucionet shteterore jane te detyruara te marrin sherbim me pagese me çmim tregu nga kjo kompani, pra pa tender. Vetem nese ajo nuk e merr persiper, mund te zbatohet legjislacioni ne fuqi thote vendimi i qeverise. Pra del nga loja ligji i prokurimit publik me nje VKM. Per qindra objektet shteterore (shkolla, spitale, institucione, etj) dhe objekte te tjera private qe do perlaje kjo polici, me kontrata te garantuara, do te duhen te blihen qindra arme te reja, makina, motocikleta, pajisje mbrojtjeje dhe uniforma apo mjete te tjera, sisteme alarmi, sinjalizimi, qendra kontrolli dhe nderlidhjeje. Te gjithe kane degjuar per korrupsionin galopant ne kontratat dhe tenderat e shoqerive te medha shteterore, ku miqte e kryeministrit marrin cdo kontrate. Duke qene nje ndermarrje tregtare, kjo parapolici do te shmange procedurat shteterore standarte te prokurimit te mallrave dhe sherbimeve. Llogaritni qindra milonat qe do te tenderohen dhe rryshfetet qe do te ndahen mes ketyre piranjave qe qeverisin.
Oligarkia – Prisni sa te fryhet me kontrata te majme kjo kompania, te mbushe llogarite, dhe do te shihni si ndonje oligark do te beje oferte te pakerkuar per ta blere, dhe qeveria Rama do te nxjerre vendim per ta privatizuar. Ne relacionin qe do te shoqeroje vendimin, do te thuhet se shteti do te perfitoje para. Por ama llogarisni qindra vendet e punes qe do mbyllen tek policite private qe do te falimentojne nga hapja e kesaj kompanie sepse nuk do te kete me konkurence. Vendimi i qeverise detyron entet shteterore te kontraktojne kete polici private shteterore, ne shkelje te ligjit te prokurimit.
Grabitja skandaloze ne Rinas e miliona eurove, ku banditet thyen perimetrin e sigurise se nje prej zonave te sigurise se larte, do t’u sherbeje ketyre piranjave per te justifikuar kete vendim skandaloz. Do te dale Minister Sintetiku dhe do te thote: “E shihni? Kemi qene largpames”. Do argumentoje se kjo polici private e Rames duhet patjeter. Dhe nese ndodh grabitja tjeter ne Rinas, faji nga kinezet do bjere tek iliret ama kurre tek qeveria.
Keta nuk jane Illyrian Guards, keta jane pirate qe duan te fshihen pas nje identiteti antik! Pirate me maske, si ata te grabitjes ne aeroportin e Rinasit. Duhen shporrur nje ore e me pare sepse po grabisin cdo qindarke te shqiptareve te varfer! #13prill
