Liderët e vendeve të Ballkanit Perëndimor do të takohen në Berlin, Samit që do të mbahet më 29 prill me prezencën e kancelares Angela Merkel dhe Presidentit francez, Emmanuel Macron.
Në takim janë ftuar liderët e Shqipërisë, Kosovës dhe Serbisë.
Në këtë takim është ftuar kryeministri i Shqipërisë Edi Rama, ndërsa pjesëmarrjen e ka konfirmuar edhe presidenti serb Aleksandar Vuçiç.
E pranishme do të jetë kryeministrja serbe Ana Brnabic, presidenti kosovar Hashim Thaçi dhe kryeministri Ramush Haradinaj.
Ndërsa ka konfirmuar pjesëmarrjen në këtë takimin joformal në Berlin, Vuçiç ka deklaruar se përderisa është në fuqi taksa doganore prej 100 për qind, ai nuk do të kthehet në tavolinën e bisedimeve në Bruksel, ku zhvillohet dialogu politik ndërmjet Kosovës dhe Serbisë nën lehtësimin e BE-së.
