Zëvendës Ndihmës Sekretari në Departamentin Amerikan të Shtetit për Organizatat Ndërkombëtare, Johnathan Moore, ka pasur një takim me ish-kryeministrin Sali Berisha në zyrën e këtij të fundit.
Gjatë takimit janë shkëmbyer pikpamjet për gjendjen e politikës në Shqipëri si dhe për zhvillimet e mëtejshme të vendit tonë.
“Takim me ambasadorin Johnathan Moore, zëvendes kryesor i ndihmës sekretarit të DASH, zyra e çështjeve të organizatave ndërkombëtare!
Të dashur miq, unë pata një takim me ambasadorin Johnathan Moore, zv.kryesor i ndihmës Sekretarit të DASH, Zyra e Çeshtjeve te Organizatave Nderkombetare.
Me ambasadorin Moore, që me parë ka drejtuar drejtorinë për Europën Juglindore në Departamentin e Shtetit dhe ka vizituar disa herë Shqipërinë patëm një diskutim të zgjeruar dhe shkëmbim të hapur të pikëpamjeve për gjendjen dhe zhvillimet në Shqiperi”, shkruan Berisha.
Një ditë më parë Moore pati një takim me deputeten Rudina Hajdari, e cila nuk dorëzoi mandatin ashtu sikundër bënë kolegët e saj të PD dhe LSI-së.
