Edi Rama konsiderohet një njeri i mbaruar politikisht nga përfaqësuesit e lartë europianë.
Kështu deklaroi Lulzim Basha, kryetar i PD-së, ndërsa ishte në një lidhje telefonike nga Berlini, me emisionin “Të Paekspozuarit”.
“Është bindja ime personale, jo vetëm nga bisedat ne Berlin, por edhe përfaqësues të lartë në Europë, se Rama konsiderohet një njeri i mbaruar politikisht. Është pritur me interest ë lartë platforma që kam prezantuar, që nuk është vetëm për largimin e Ramës, por për transformimin e Shqipërisë.
Duhet të cojë para drejtësisë të gjithë ata që kanë blerë zgjedhjet dhe kanë bashkëpunuar me krimin. Ne duhet të ndërtojmë themelet e një bashkëjetese demokratike”, u shpreh Basha.
Gjithashtu ai ka reaguar edhe ndaj deklaratës së Ramës se do e çojë për skrap PD dhe LSI.
“Sa kohë kjo shoqëri do të merret me fjalorin e Edi Ramës që përdor me organe gjenitale, skrap e të tjera nuk do të bëjmë përpara. Gjuha e Ramës tregon shenjë nervozizmi dhe nëse do merremi me të nuk do të bëjmë përpara. Rama është i trembur dhe në ikje. Ne tani nuk do ti vëmë re fre gojës së Edi Ramës”, u shpreh Basha.
