Kryeministri Edi Rama, gjatë një takimi në Prrenjas, tha se pas 30 qershorit Miranda Rira do të ketë më shumë kohë të kujdeset me beben e saj.
Rama këtë deklaratë e bëri duke pasur parasysh se Rira ishte bërë nënë para pak ditësh, ndërsa shprehu bindjen se në 30 qershor socialistët do të fitojnë Bashkinë e Prrenjasit, që sot drejtohet nga përfaqësuesja e LSI-së.
Por deklarata e Ramës ka shkaktuar reagim të ish-deputeteve të opozitës.
Nora Malaj u shpreh se ‘çdo gjë do kisha pranuar nga ky burri që bënë sikur na drejton, po që të përçmojë e talli edhe mëmësinë këtë, nuk e kisha parë, as lexuar as dëgjuar ndonjëherë, vetëm në historitë dhe ngjarjet makabre, të genocideve! Sot kjo ndodhi kur KM foli në Prenjas, atje ku kryetare bashkie është zonja Rira, që para pesë ditësh u bë nënë për herë të dytë me një vajzë, që gëzon shendet të plotë. “Krimi “i vetëm që bëri zonja Rira është se solli në jetë krijesën më engjellore, dhe nuk mundi të pres KM, në pseudodialogun e radhës, se ishte lehonë???!! Për këtë në ligjërimin e tij, u ndëshkua mamaja dhe bebja e vogël. ( Harroj që me Mirandën , ndonëse është kryetare Bashkie, t’i sillte çekun e radhës për bebe, siç do të bënte në ndonjë rast tjetër. Po jo. Miranda dhe bebja duhen ndëshkuar që nuk e pritën. Sa turp!
Po ku di ti, o ditëzi e punëzi, se çdo të thotë të sjellësh në jetë një njeri… Po ku di ti e ku kupton, ti se e vetmja kryevepër njerëzore që është në shërbim të njerëzimit, është lindja e një femije, i cili është edhe bekimi më i madh që të jep Perendia..
Po ku di ti se c’është rritja e një fëmije, që gjetsh belanë…”.
Ndërsa Silva Caka shkruan “ky derëziu Kryeministër nuk respekton as lehoninë, si një periudhë tepër delikate në jetën e një gruaje, madje i krijon hapësira vetes, të bëjë deklarata banale e të tallet me këtë fakt.
Pas 30 qershorit, Miranda do kujdeset për vajzën e saj dhe do vazhdojë të drejtojë Bashkinë e Prrenjasit. Po ti o derëzi, pas 30 qershorit, a do kesh mundësi të kujdesesh për shëndetin tënd mendor???
Jam e bindur që Miranda po shijon mrekullinë që i fali Zoti dhe nuk e helmon veten aspak me deklaratat e këtij idioti, ashtu siç jam e bindur që mëmësia, e bën gruan më të fortë në çdo drejtim”.
