Opozita do të protestojë nesër para Kuvendit, ndërsa seanca do të mblidhet në orën 10:00. Protesta e opozitës është njoftuar 30 minuta para nisjes së seancës, ndërsa do të përdoret e njëjta skemë, ku protestuesit do të grumbullohen fillimisht në të gjitha hyrjet e rrugëve që të çojnë te selia e Parlamentit, për t’u grumbulluar më pas në rrugën “Xhoëxh Bush”, ku ndodhet edhe hyrja qendrore.
Ndërkohë pritet që policia të marrë të njëjtat masa, duke bllokuar kalimin te pedonalja në të dy anët, si dhe pranë ish-selisë së vjetër të PD-së.
Ndërkohë mësohet se kreu demokrat Lulzim Basha nuk do të jetë pjesë e protestës. Sikundër raportohet ai do të udhëtojë drejt gjermanisë, ku pritet të ketë takime me përfaqësues të CDU-së, partisë së kancelares Angela Merkel, por edhe të PPE-së.
Pritet që në këto takime të diskutohet mbi aksionin opozitar, që pas djegies së mandateve të deputetëve, dhe kërkesës për largimin e Edi Ramës nga posti kryeministror.
DENONCO