Shkodra si Palermo, 11 viktima në 8 muaj/ Çfarë po ndodh në kryeqendrën e Veriut

Të paktën 11 persona janë vrarë në qytetin e Shkodrës në 8 muajt e fundit, ndërsa një pjesë e ngjarjeve kriminale kanë mbetur pa autor.

Vrasjet nisën në 15 korrik 2018, ku në një atentat mafioz u ekzekutua ish-punonjësi i policisë Boran Bërçana dhe Silvi Ndoci. Nga ky moment, qyteti i Shkodrës i ka ngjarë Palermos së viteve ’70-80.

Dy viktimat e sotme, vëllezërit Astrit dhe Brahim Bilali, janë të fundit që kanë humbur jetën si pasojë ekzekutimeve. Policia dhe Prokuroria duket se po numërojnë viktimat, ndërsa qytetarët ndodhen nën frikën dhe panikun që krijojnë ngjarje të tilla.

Ngjarjet kriminale

Në 15 korrik 2018 u ekzekutuan me armë zjarri në makinë çifti Boran Bërcana dhe Silvi Ndoci. Ish-polici ishte dyshuar për lidhje kriminale me një prej familjeve, emrin e të cilës së fundmi opozita e përmend si të lidhur ngushtësisht me eksponentë të së majtës.

Në 10 gusht 2018 vritet në atentat 53-vjeçari Fatbardh Lici ndërsa ndodhej në lagjen e tij. Ai ka qenë i dyshuar se në vitin 2011 ka qenë i përfshirë në vrasjen e Astrit Kurmemajt, i dënuar me 25 vite burg për disa vrasje ndaj një tjetër familjeje në Shkodër. Fatbardh Lici ka lidhje familjare me Lulzim Kullën.

LEXO EDHE  Theret me thikë një person në Elbasan! Emri

Që prej datës 23 gusht 2018 janë zhdukur dy persona në Shkodër, daja dhe nipi i tij, Agron Mollaj dhe Gëzim Hysa.

Më pas, 1 shtator 2018, vrasja e fundit, ajo e 30-vjeçarit Arjan Verracaku, mendohet se ka lidhje me serinë e ngjarjeve nga përplasja e dy familjeve me emër në Shkodër. Një pistë është se shënjestra e vërtetë mund të ketë qenë një nga shoqëruesit e biznesmenit. Policia pas kësaj bëri kontroll dhe shoqëroi 30 persona, mes tyre edhe një 16-vjeçar në familjen Lici.

14 Nëntor 2018 ekzekutohet në Shkodër edhe kushëriri i Arjan Ferracakut, Fatos Ferracaku, ndërsa u plagos edhe Fatos Mehaj.

Më 20 mars 2019, u ekzekutua në Shkodër edhe biznesmeni i turizmit në Theth, Ferdinand Polia.