Dy vëllezërit, Astrit dhe Brahim Bilali, u vranë sot në mëngjes në afërsi të zonës Zooteknike të Shkodrës. Ekzekutimi ndodhi rreth orës 09:30, ndërsa ato u qëlluan pranë banesave të tyre.
Nga hetimet paraprake dyshohet se krimi është kryer nga dy persona të maskuar, të cilët janë larguar me një automjet.
Burime nga policia bëjnë të ditur se ndaj viktimave është qëlluar me breshëri automatike.
Policia ka gjetur disa minuta më pas një automjet mercedez duke u djegur, që dyshohet se është përdorur në krim.
Burimet policore bëjnë të ditur se mjeti dyshohet të jetë i vjedhur, ndërsa targat e tij AA 369 RV dyshohet të jenë false.
