Hajdut, kriminel, Rama ik, janë disa nga thirrjet që protestuesit po përdorin në protestën që ka nisur në Tiranë, në zonën rreth parlamentit.
Situata është më e tensionuar në anën e pedonales në bulevardin “Dëshmorët e Kombit” ku ndodhen edhe banorët e Unazës së Re.
Madje në këtë pjesë është edhe përqëndrimi më i madh i forcave të policisë, që janë vendosur në mbrojtje edhe të Ministrisë së Brendshme.
Mes protestuesve dhe policisë ka pasur disa shtyrje me trup, ndërsa kordonët e uniformave blu nuk kanë lejuar protestuesit që të afrohen te pedonalja.
Policia duket se po siguron rrugëkalimin për deputetët që do të marrin pjesë në seancën e Kuvendit, ndërsa forcat e rendit në këtë pjesë janë të pajisur me shkopinj gome.
