Opozita ka deklaruar se nuk do të marrë pjesë në zgjedhje përsa kohë kryeministër do të jetë Edi Rama. Kjo do të thotë se opozita nuk do të angazhohet as në Komisionet që do të administrojnë procesin zgjedhor, çka do të thotë se ato nuk mund të ngrihen përsa kohë në rrteh 50 % të tyre shumicë janë anëtarë të propozuar nga partitë opozitare.
Por KQZ duket se ka gjetur një rrugë tjetër për të plotësuar vakancën. Komisioni Qendror i Zgjedhjeve i ka bërë thirrje qytetarëve të aplikojnë për t’u bërë komisionerë zgjedhorë.
“Qytetaret të aplikojnë për komisionarë, pasi KQZ bën emërime kryesisht sipas ligjit. Kjo për shkak se partitë nuk kanë depozituar anëtarët për komisionerë”, thuhet në thirrjen e KQZ.
Gjithashtu KQZ, sot vijoi me shpërndarjen e mandateve, në kuadër të plotësimit të vakancës së krijuar në Kuvend pas largimit të deputetëve të opozitës.
Komisioni Qendror i Zgjidhjeve i ka dhënë mandatin deputetit 3 kandidatëve të rinj, dy nga PD dhe një nga LSI, duke e çuar në 99 numrin e deputetëve në Kuvend.
Kështu vendin e Edmond Spahos në Elbasan e merr Arben Elezi, ndërsa Adriatik Alimadhi do të zërë vendin e Agron Shehajt në listën shumë emërore të Vlorës.
Ndërsa vakancën e krijuar nga Agron Çelaj i LSI në Shkodër e merr Amra Barova.
Me betimin e 3 të rinjve, numri i deputetëve në Parlament do të shkojë në 99, ku 17 prej tyre janë të rinj të ardhur nga listat e PD dhe LSI pas djegies së mandateve.
