Blerina Gjylameti, deputete dhe kryetare e degës së PS-së në Tiranë, ka reaguar pas lajmeve se mes saj dhe kryeministrit Edi Rama ka pasur një sherr dhe se ajo është shkarkuar apo dorëhequr nga funksioni partiak.
Në studion e News 24, Gjylameti mohoi që të ketë pasur një sherr me kryeministrin, duke i cilësuar lajmet në media si spekulime.
“Unë jam në detyrë. Të gjitha të tjerat janë spekulime të ditës.
Do të flisja për ato çfarë arritëm në atë Kongres dhe jo për këto. Kemi një projekt të madh për të çuar përpara.
Unë vazhdoj të punoj për projektin “Shqipëria që duam” më shumë se sa të dëgjoj çfarë thotë një individ apo një tjetër”, tha Gjylameti.
Media raportoi se sherri mes kryetares së PS-së Tiranë dhe kryeministrit Rama kishte ardhur pas publikimit të listës së kandidatëve të Këshillit Bashkiak.
“Kjo listë pasqyron një shumëllojshmëri që nga pjesa e personaliteteve të ndryshe dhe figurave të konsoliduara të PS.
Mendoj që është një listë e kombinuar në të gjitha aspektet. Do të jetë një listë që do të shënojë tjetër fitore”, tha ajo.
