Shkëlqim Duka, kolegu i Ravik Gurrës, avoktatit që u ekzekutua në mënyrë mafioze përpara pak ditësh në Elbasan,ka bërë një deklaratë duke thënë se institucioni I avokatit ka marrë një tronditje të rëndë dhe se avokatët në tërësi janë në dorën e Zotit.
Me vrasjen e Gurrës sipas tij është goditur avokatura, dhe se ky institucion është një hap prapa.
“Jemi të shokuar nga vrasja e avokatit. Kemi vlerësim maksimal për të ndjerin. Avokatët janë të ekspozuar ndaj krimit, nuk ndjehen të mbrojur. Goditja e avokatit është goditja e institucionit. Institucioni i avokatit tani nuk mund ta ofrojëe shërbimin ndaj klientit sepse ndjehet i rriskuar. Ne tashmë jemi në dorë të Zotit. Vrasja e tij është një mesazh që na drejtohet ne. Mendoni ccfarë mund ti ndodhë një gjyqtari kur merr një vendim. Ne jemi hallka e fundit dhe po kërcënohemi, imagjinoni ccfarë mund të ndodhë me një gjyqtar kur ai merr një vendim”, tha ai në “Fax News”.
Kujtojmë se ngjarja e rëndë ka ndodhur në qytetin e Elbasanit para pak ditësh ku është qëlluar për vdekje avokati Ravik Gurra, 50-vjeç i cili ka ndjekur procesin gjyqësor për rreth 5 vite ndaj fisit Çapaj si dhe atë të Emiliano Shullazit.
Në momentin e atentatit Gurra ishte ulur në ambientet e jashtme të një lokali dhe është qëlluar me breshëri me pistoletë të cilës i ka qenë vënë silensiator. Gurra ka humbur jetën në vend nga të shtënat, pavarësisht ndihmës së parë nga personat që ndodheshin pranë vendin e ngjarjes.