Gazmend Bardhi, Sekretar i Përgjithshëm i PD-së, ka reaguar pas propozimit të Edi Ramës për mënyrën sesi mund të bëhen zgjedhjet e parakohshme.
Gjatë fjalimit të mbajtur në sheshin “Nënë Tereza” ku rikonfirmoi Erjon Veliajn për një tjetër mandate si kryebashkiak, Rama tha se ishte i gatshëm për zgjedhje të parakohshme, nëse opozita do të fitonte qoftë edhe 1 bashki më shumë në zgjedhjet e 30 qershorit.
“Propozimi i Ramës për zgjidhjen e krizës: “Më lini ti vjedh edhe zgjedhjet vendore dhe po ti fitojë opozita zgjedhjet që unë do vjedh, shkojmë pastaj në zgjedhje të parakohshme.”, shkruan Bardhi në reagimin e tij.
