Kombëtarja shqiptare është mundur me rezultatin 2-0 në ndeshjen e parë të eleminatoreve të vlefshme për kampionatin Europian 2020.
Turqit kanë arritur të shënojnë nga një gol në çdo pjesë në ‘Loro Boriçi’, duke gjunjëzuar kuq e zinjtë para tifozëve vendas.
Ndeshja u duk sikur do të fliste shqip, pasi ishin kuq e zinjtë që po kalonin disa minuta të mira në fillim të sfidës, por një gabim në mbrojtje i Gjimshitit, bëri që Ylmaz të zhbllokonte rezultatin në minutën e 21.
Ndërkohë që në të 55-të, Çalhanoglu dyfishoi për turqit.
