Drita Protoduari, mamaja e Dorian Protoduarit, i ndaluar ditën e sotme nga Forcat e Ndërhyrjes së Shpejtë, i ka drejtuar një apel drejtuesve të Policisë së Shtetit, që të lirojnë djalin e tyre.
Duke folur në protestën që po zhvillohet para Drejtorisë së Policisë së Tiranës, ajo tha se djali i saj është arrestuar padrejtësisht, pasi nuk ka kryer asnjë veprim ndaj policisë.
Madje, ajo ka kërkuar që të shihen edhe kamesat e sigurisë në zonën ku është zhvilluar protesta.
Drita Protoduari tha se djali i saj është arrestuar nga djali i personit që i arrestoi vjehrrin e saj gjatë kohës së diktaturës, në gjyqin e famshëm të Poshnjes, duke iu referuar kështu Drejtorit të Policisë së Tiranës, Dhimitraq Ziu.
Babai i kreut të komanduar të Policisë së Tiranës, sipas denoncuesve, kërkoi që të dënohej me pushkatim gjyshi i Dorianit, Asqeri Protoduari
