Ish-deputeti Gent Strazimiri i është përgjigjur apelit të Ambasadorit të OSBE-së, Bernd Borchardt, që kërkoi nxitjen e dialogut për reformën zgjedhore.
Strazimiri në një koment të tij shkruan se dialogu duhej për reformën në drejtësi, që vendi të mos mbetej pa Gjykatë Kushtetuese, atë të Lartë me me Gjykata Apeli 1 po e 1 jo.
“Përderia gjithçka, çdo dëm e çfytyrim që i është bërë deri tani demokracisë shqiptare e që e ke quajtur “sukses” është bërë pa dialog dhe vetëm përmes 1 partie të vetme, asaj që ka pushtetin, bëje edhe “reformën zgjedhore” , edhe “zgjedhjet” vetëm me partinë e vetme…atë të pushtetit”, shkruan Strazimiri.
Postimi i Gent Strazimirit
– Dialog duhej edhe për reformën në drejtësi, por ti e quajte sukses kur u çfytyrua me votat e vetëm 1 partie, asaj të pushtetit…
– Dialog duhej edhe që vendi të mos mbetej pa Gjykatë Kushtetuese, pa Gjykatë të Lartë e me Gjykata Apeli 1 “po” , 1 “jo” , 1 “ndoshta”, por ti heshte kur pushteti gjymtoi gjithçka deri në asgjësim, me votat e vetëm 1 partie, asaj që ka pushtetin…
– Dialog duhej edhe që vendi të mos mbetej në dorë të një Prokurori të Përgjithshëm “përkohësisht” në dorë të pushtetit, zgjedhur paligjshmërisht nga votat e vetëm 1 partie, asaj qe ka pushtetin…
– Dialog duhej kur media publikoi përgjimet që disponon prokuroria e dalë nga partia e pushtetit, e që dëshmojnë se si partia e pushtetit, pushtetin e ka rrëmbyer përmes pareve dhe influencave kriminale…siç ta kanë pranuar në survey jo më pak se 20% e zgjedhësve…
* Përderia gjithçka, çdo dëm e çfytyrim që i është bërë deri tani demokracisë shqiptare e që e ke quajtur “sukses” është bërë pa dialog dhe vetëm përmes 1 partie të vetme, asaj që ka pushtetin, bëje edhe “reformën zgjedhore” , edhe “zgjedhjet” vetëm me partinë e vetme…atë të pushtetit
