Drejtuesi politik i PD për Krujën dhe Fushë Krujën, njëkohësisht kandidat për deputet në këto zgjedhje, Gent Strazimiri u shpreh se në parlamentaret e 11 majit, nuk kishin përballë një parti politike, por një shtet.
I ftuar në emisionin A Show, Strazimiri tha se ky proces zgjedhor është kategorikisht i refuzueshëm, pasi si në votën e diasporës, të burgut dhe popullit është e njëjta dorë që ka gjeneruar e firmosur për rezultatin përfundimtar.
Sipas Strazimirit provat tashmë janë të qarta dhe të mjaftueshme për t’i thënë ‘Mjaft’ Ramës, duke këmbëngulur për një refuzim të të gjithë asaj çfarë ka ndodhur, në mënyrë që shqiptarët të mos vuajnë në 4 vitet e tjera.
Për Strazimirin nuk mundet kurrsesi që fenomeni ‘Zegjine’ të jetë simbol i femrës shqiptare, sikurse gjuha e përdorur nga Rama për burrat dhe popullin shqiptar.
Sigurisht që mund ta dokumentojmë, kjo është banale dhe e dukshme për të bëfrë që s’e kuptojmë atë që po ndodh. Burgu e voton më shumë se populli dhe diaspora më shumë se burgu. Si në burg, diasporë e Shqipëri, s’kanë qenë të lirë të votojnë. Dhe ky ka gjeneruar rezultat banal, të shëmtuar. Kur e bën, kur fyen dhe inteligjencën e shoqërisë, atëherë më këtë ke blerë belanë tënde.
Nuk paraqet vullnetin e votuesve. Ka prova filmike në rrjete, tufa zarfesh nga DHL në Kretë, me paratë tona është blerë shërbimi derë më derë për zarfet, dhe në fund kjo është dora që ka firmosur për mijëra e mijëra emigrantë që nuk kanë votuar… kjo është tepër e madhe dhe e trashë për t’u pranuar. Është e refuzueshme, që të mos vuajmë edhe njëherë për të njëjtën dorë që ka gjeneruar të njëjtin proces. Kemi mjaftueshëm prova për t’i thënë mjaft. As patronazhistët nuk të mjaftojnë më. Duhet refuzuar tani në moment, në mënyrë që të mos vuajmë edhe në 4 vite të tjera.
Ne akoma flemë nga 1 orë gjumë, pasi jemi të impenjuar në numërim. S’kam pasur kohë fizike për në media dhe analistët e autocensuruar. Ky s’pati program elektoral. Ka mbetur kooperativa 2030. Tani i frymëzoka Zegjinejua, simboli i femrës shqiptare, ndaj po shkojnë pas Edi Ramës. Ky është trendi që i frymëzon shqiptarët, çyrykë e jo Sali Berisha. Të vendosësh fytyrën tënde pas këtyre fjalëve, vetëm se të thuash ‘Zoti pastë mëshirë për ty’.
I kemi mbledhur të gjitha provat, duhet ta kuptojmë se këto nuk ishin zgjedhje. Ne kishim përpara shtetin. Ne kemi pasur përballë shtetin jo partinë e pushtetit. 34 % e shqiptarëve kanë arritur të bëjnë heroizmin, t’i bëjnë ballë. Që refuzon t’i përgjigjet këtij maskarade. Unë refuzoj të besosj që pjesaa më e madhe e socialistëve ëndërrojnë të bëhen si Zegjineja. Apo burra, kanë model maskarain që flet la e pa larë.
