Deputetja e “opozitës së re” shpërndan postimet e Edi Ramës/ A është ky misioni …

Aurora Mara, është një nga deputetet e reja në Kuvendin e Shqipërisë, e cila mori mandatin në emër të LSI-së.

Pas dorëzimit të mandateve nga deputetët e opozitës, vakanca në Kuvend po plotësohet me emrat që përfshihen në listat e kandidatëve për zgjedhjet e 25 qershorit 2017.

Mara renditej në listën e kandidatëve të Qarkut të Dibrës dhe ishte një ndër 4 ligjvënëset e para që mori mandatin.

Deputetët që po hyjnë në Kuvend janë etiketuar nga kryeministri dhe drejtues të Rilindjes si ‘opozita e re’, ndërkohë që kryetarja e LSI-së i ka cilësuar si tradhëtarë.

LEXO EDHE  "Palo Kryeministër që duhet refuzuar"/ Ish-deputetja "shpërthen" ndaj Ramës: Tallesh dhe injoron...

Se çfarë roli mund të luajnë në Kuvend ligjvënësit e rinj nuk është e vështirë për ta kuptuar, pasi shumë prej tyre kanë shprehur afërsi me mazhorancës qeverisëse.

Disa në mënyrë të hapur dhe të tjerë më të kamufluar duket se po shërbejnë si patericë për pushtetin e Ramës.

Deputetja Mara nuk ka nguruar që në faqen e saj në rrjetin social të shpërndajë një postim të Edi Ramës. Ndoshta një gabim, ndoshta një rastësi, ose ndoshta ky është misioni i “opozitës së re”.

PËRGJIGJU

Please enter your comment!
Please enter your name here