Mijëra qytetarë kanë protestuar para godinës së Kryeministrisë dhe Parlamentit.
Ish ministri i Drejtësisë Ylli Manjani i ka drejtuar një apel Presidentit të Republikës, Ilir Meta.
Sipas tij, Meta duhet të ftojë palët në dialog.
Postimi i plotë i Manjanit:
Presidenti i Republikës, kryetari i shtetit dhe përfaqësuesi i unitetit të popullit, padyshim që ka një rol për të luajtur.
Nuk mund të bëjë sikur nuk sheh e nuk dëgjon. Qoftë edhe në emër të paanësisë apo mbipalësisë politike.
Vendi është në krizë e cila mund të çojë në përplasje. Detyra e çdo Presidenti në këto kushte është thirrja e palëve në dialog.
Ndaj Presidenti nuk ka ç’pret më! Duhet të fillojë punën për të ulur palët në tryezë dialogu.
