Kryetarja e Lëvizjes Socialiste për Integrim, Monika Kryemadhi, ka komentuar në studion e ‘News 24’ protestën madhështore të opozitës, ku mijëra shqiptarë u bashkuan kundër regjimit të Edi Ramës.
Sa i përket djegies së mandateve, kryemadhi tha se për këtë çështje ka vendosur ajo dhe LSI dhe se nuk ka pyetur Ilir Metën, pasi ai ka qenë kundër këtij vendimi.
Kryemadhi theksoi gjithashtu se dhe sa i përket protestës ajo nuk ka asnjë komunikimi me të.
‘Ilir Meta ka qenë kundër djegies së mandateve. Stabiliteti i Ramës, diktaturë e krimit, nuk ka ndryshim axhende të Metës. Nuk kam komunikuar me të për protestën, me të do komunikoj vetëm për fëmijë’, u shpreh kryemadhi.
Nga ana tjetër Ilir Meta, u bëri thirrje shqiptarëve sot për protesta paqësore, ndërsa palëve politike ai ju kërkoi që të gjejnë një marrëveshje.
Ndërkohë që Meta si President i republikës së Shqipërisë, pas dhunës së ushtruar ndaj shqiptarëve nga ana e policisë dhe hedhja e gazit lotsjellës duhet të kishte thirrur urgjent ‘Këshillin e Sigurisë Kombëtare’, ose të jepte dorëheqjen dhe t’i bashkohej protestës popullore, për të luftuar të gjithë bashkë këtë sistem që po u merr frymën shqiptarëve dhe po i largon nga vendi.
