Opozita ka thirrur një protestë të madhe përpara kryeministrisë për rrëzimin e qeverisë Rama, ndërsa disa mijëra mbështetës të saj, janë nisur nga rrethet drejt Tiranës.
Sipas drejtuesve të opozitës, kjo pritet të jetë protesta më e madhe e 28 viteve, ndërsa policisë i është kërkuar një leje 48 orëshe, por është refuzuar nga kjo e fundit.
Ajo që dihet është se qytetarët do të mblidhen në orën 11:00 para Kryeministrisë, ndërsa nuk ka asnjë orar se kur ajo do të përfundojë.
E ndërkohë që mijëra qytetarë janë nisur nga qytete të ndryshme drejt Tiranës, në kryeqytet drejtuesit e partive opozitare kanë nisur përgatitjet në selitë e tyre.
Monika Kryemadhi rreth orës 08:00 ka hyrë në selinë e LSI-së, ku siç duket do të japë udhëzimet e fundit ndaj strukturave qendrore lidhur me protestën.
