Forcat speciale të Policisë së Shtetit, përfshirë këtu edhe ato RENEA, kanë blinduar qytetin e Shkodrës në një aksion të gjerë për arrestimin e personave që dyshohet se janë përfshirë në një skemë fajdesh.
Nga raportimet e para mësohet se të pakjtën 16 persona janë arrestuar në një operacion që ka nisur rreth orës 05:00 të mëngjesit.
Raportohet se personat e arrestuar janë përfshirë në një skemë dhënie dhe marrje para me fajde, ndërsa policia ka ngritur pika kontrolli në pikat hyrëse dhe dalëse të qytetit, si dhe në disa prej rrugëve të brendshme.
Nuk dihet sepse në operacionin e ndërmarrë janë përfshirë forcat e FNSH, RENEA dhe repartet Shqiponja të mbërritura në qytetin më të madh në veri-lindje të vendit, ndërkohë që policia lokale ka mbetur në hije.
Operacioni është ndërmarrë pas një hetimi dy mujor dhe përgjimeve të kryera, që duket se kanë zbuluar skemat e dhënies dhe marrjes së parave me fajde, të ngjashme me ato të skemave piramidale të 25 viteve më parë.
