Kreu i Grupit Parlamentar të PS-së, Taulant Balla, ka vlerësuar mosdorëzimin e mandatit të deputetes nga Rudina Hajdari, vajza e heroit të demokracisë.
Hajdari njoftoi dje vendimin për të mos djegur mandatin, ndërsa Balla i cilësoi si inspiruese fjalët e saj.
Në një intervistë për ABC News Balla theksoi se deputetja Hajdari doli përtej inetresave të të momentit të kryedemokratit Basha dhe kryetares së LSI-së.
“Unë nuk kam asnjë dyshim që gjithë ajo çka tha Hajdari ekziston. Jemi në një situatë ku të gjithë e kuptojmë se ka filluar një proçes zëvendësimi i mandateve të opozitës.
Me deputetët e rinj të opozitës në Kuvend të mërkurën bëhen 9 apo 10 deputetë të opozitë dhe jo një grup por mund të këtë dy grupe të deputetëve të opozitës në Kuvend dhe besoj se do kemi një dialog me ta.
Janë të shumta ata që do të dalin përtej interesave të momentit të lidershipit të PD dhe LSI. Fjalët e zonjës Hajdari janë inspiruese”, tha Balla.
