Bashkimi Europian do të rikthejë sistemin e vizave për qytetarët amerikanë. Rikthimi i vizave pritet të nisë nga viti 2021.
Bashkimi Europian njoftoi në faqen e internetit se qytetarët amerikanë do të kenë nevojë për vizë për të vizituar Zonën Europiane Shengen, sipas Sistemit Evropian të Informacionit dhe Autorizimit të Udhëtimit (ETIAS).
“Evropa kohët e fundit ka vendosur të përmirësojë nivelin e saj të sigurisë për të shmangur probleme të mëtejshme me migracionin e paligjshëm dhe terrorizmin. Kjo do të thotë se nga viti 2021, të gjithë amerikanët që udhëtojnë në një vend evropian të zonës Shengen do të kenë nevojë për vizë.
Për të aplikuar shtetasit amerikane do të kenë nevojë për një pasaportë të vlefshme, një llogari email dhe një kartë krediti ose debiti, njoftoi zyra e Bashkimit Europian për vizat, ndërsa të miturit, do të kenë nevojë vetëm për pasaportat e tyre normale për të udhëtuar pas hyrjes në fuqi të vizave“, thuhet ndër të tjera në njoftimin e ETIAS.
Viza do të jetë e vlefshme për tre vjet dhe i lejon amerikanët të hyjnë në zonën Shengen sa herë që është e nevojshme.
Shtetet e Bashkuara kanë qenë në një mosmarrëveshje me Parlamentin Evropian dhe Komisionin Europian mbi vizat qe ende nuk i ka hequr për qytetaret e Bullgarinë, Kroacinë, Polonisë, Rumanisë dhe Qipros.
Udhëtarët në këto pesë vende janë të vetmet vende të BE që SHBA u kërkon të aplikojnë për vizë amerikane.
