Nënkryetari i LSI-së, Petrit Vasili, e krahasoi Parlamentin shqiptar me kooperativat socialiste. i pranishëm në studion e Fax News, Vasili tha se vendin e tij në Kuvend nuk mund ta zinte askush. “S’ka deputet që më zëvendëson”, tha Vasili.
“Opozitës i ka mbetur e vetmja rrugë, që të kthejë shtetin në vend. Parlamenti është shndërruar në një kooperativë të Partisë Socialiste”, shtoi Vasili.
Duke foluar për mundësinë e hyrjes në një fazë dialogu midis opozitë dhe mazhorancës, diçka të cilën e kërkoi së fundmi edhe ambasadori i BE-së Luigi Soreca, Vasili tha se jemi pro dialogut si të barabartë dhe jo dialogut si përfaqësues apo si të zgjedhur nga krimi i organizuar.
“Kur të jemi në pozicione të barabarta atëherë do të pranojmë të dialogojmë. Kryeministri i vendit është prodhuar nga vota e kriminelëve. Nuk është Partia Socialiste partie kriminelëve, por është Edi Rama ai që futi shumë kriminelë në këtë parti.
Unë mendoj se Luigi Soreca stimulon Partinë Socialiste dhe jo eksponentët e krimit brenda kësaj partie, ndaj edhe deklaratat e tij janë të mirëkuptueshme nga ne. Me Edi Ramën kryeministër nuk mund të ketë dialog”, tha ai.
