Pas vendimit të përbashkët mes LSI dhe PD për të djegur mandatete e për të bojkotuar punën e opozitës në kuvend, debatete janë transferuar lidhur me ata të cilët vendosën të pranojnë propozimin e KQZ për tu futur në Kuvend. Një vendim të tillë e kanë pranuar deri më tani rreth 5 deputetë nga opozita, ndërkohë që përfaqësues të sja nuk kanë nguruar të ironizojnë këto vendime.
Një prej atyre që pritet të pranojë mandatin është Kujtim Gjuzi, që sipas Manjanit nuk mban telefon me vete se i kërkojnë paratë njerëzit që iu ka marrë borxh. Me ironi Manjani thotë që kjo që po ndodh në vend është demokraci dhe jo shaka.
Reagimi i Manjanit:
Njëri prej kandidatëve të listës, i cili ka pranuar të hyjë në Parlament, nuk mban telefon. Nuk dihet se me ç’mjet komunikimi u lidh me Amerikanët, për të dëgjuar “këshillën e tyrë”…
Arësyeja pse nuk mban telefon është se e kërkojnë borxhlinjtë.
Këta të fundit tashmë mund ta gjejnë në Parlament. Ska ç’u duhet Telefoni…
Demokraci, jo shaka!
Derimë tani 9 kandidatë nga listat e PD dhe LSI kanë pranuar mandatet e tyre, duke plotësuar formualin e dekriminalizimit.
