Disa mijëra qytetarë iu bashkuan sot protestës së opozitës para Kuvendit të Shqipërisë, në një kohë që ligjvënës të PS-së dhe 4 prej kandidatëve që morën mandatet në emër të opozitës ishin mbledhur në sallën e seancave plenare.
Protesta e opozitës zgjati për mbi 3 orë, ndërsa pati pak incidente të regjistruara.
Gjatë protestës u fiksuan momente të veçanta, që nisnin me pankartat që mbanin protestuesit, apo nga masat që kishin marrë ata për t’u mbrojtur nga gazi helmues, që çuditërisht këtë rradhë nuk u përdor nga policia kundër protestuesve.
Kamerat fiksuan një prej protestuesve të veçantë që me plis në kokë tregoi disa foto të tij ,e ish-kryeministrin Berisha.
Fotot me Berishën nuk dihet se në cilën protestë apo miting janë bërë, por në to shfaqet ish-kryeministri që mban në kokë të njëjtin plis që sot kishte protestuesi.
