Kuvendi do të mblidhet nesër në seancë plenare në orën 10:00, ndërsa opozita ka paralajmëruar zhvillimin e protestës së rradhës.
Rendi i ditës së punimeve të Parlamentit përfshin diskutimin e disa pr/ligjeve, ndërsa në pikën e fundit të rendit të ditës është projektvendimi për zgjedhjen e 3 anëtarëve të Këshillit Drejtues të RTSH-së.
Gjatë seancës pritet të bëhet betimi i 4 deputetëve të rinj, nga rradhët e LSI-së, të cilëve sot iu dha mandate i deputetit.
Nëse këta deputetë do të hyjnë në Kuvend dhe do të betohen, nis edhe proçesi i emërimit nga Kryeministri të opozitës së re.
Gjatë paradites së sotme, janë dhënë garanci se do të shmangen incidentet mes deputetëve dhe protestuesve, ndërsa ligjvënësve socialist u është kërkuar të jenë në sallën e seancave plenare në orën 09:30, ndërsa ministri Sander Lleshi ka dhënë garanci për mbrojtjen fizike të ligjvënësve.
Më parë, figura të Rilindjes kanë artikuluar idenë e një opozite të re në Kuvend, që nuk është hera e parë që tentohet të emërohet nga e majta.
