Në Tuz po zhvillohen zgjedhjet komunale, ku partitë shqiptare janë të bashkuara. Tuzi është komunë me shumicë shqiptare dhe është krijuar vitet e fundit nga qeveria e Malit të Zi si njësi komunale më vete.
Një prej shqiptarëve në Tuz, Sead Nikaj, ka udhëtuar nga Shtetet e Bashkuara të Amerikës për të votuar, ndërsa hyrja e tij në aeroport është shoqëruar me incident për shkak të bërjes së simbolit të shqiponjës, raporton Ora News.
“Unë kam ardhur për të votuar, pasi partitë tona u bashkuan pas disa dekadash. Hapin e parë e bënë vendasit. Po kryejmë obligimin që kemi ndaj Tuzit.
Sapo dola nga avioni më shihnin me një sy shumë të keq. Më ndanë në një dhomë. Kur dola, përshëndeta familjarët e mi me një shqiponjë krenare. Policët më thanë këtë bëje në një vend tjetër. Unë këtu se kjo është toka ime. Fitues jemi sepse jemi të bashkuar. Do ta marrim Malësinë në dorë. Situata është e qetë”, shprehet ai.
