Një zjarr ka rënë mbrëmjen e sotme në bodrumin e Ministrisë së Brendshme. Raportohet se zjarri ka rënë afër dhomës së serverit TIMS.
Nuk dihet për dëmet që ka shkaktuar zjarri, apo shkaqet që çuan në ndezjen tij.
Zjarrfikësit kanë ndërhyrë menjëherë duke bërë të mundur shuarjen e flakëve.
Njoftimi i policisë
Rreth orës 20:45 në bodrumin e godinës së Ministrisë së Brendshme, Shërbimet e Sigurisë konstatuan tym. Shërbimet ndërhynë menjëherë duke shkëputur energjinë elektrike.
Rezulton se është dëmtuar vetëm një stabilizator i energjisë elektrike.
Ekspertët po punojnë për të përcaktuar shkaqet.
Informojmë gjithashtu se të gjitha sistemet janë funksionale dhe pa asnjë problem apo dëmtim, gjithçka funksionon normalisht.
