Një shpërthim me lëndë plasëse është regjistruar mbrëmjen e sotme pranë shkollës “Vasil Shanto”, përballë Gjykatës së Tiranës.
Ngjarja ka ndodhur rreth orës 21:10, në rrugën “Mihal Popi”.
Policia thotë se në katin e dytë të një pallati ka shpërthyer, dyshohet nga lëndë e dyshuar plasëse, dera e jashtme e banesës së nje shtetasi.
Nga shpërthimi janë shkaktuar vetëm dëme materiale.
Po punohet për sqarimin e rrethanave të ngjarjes, identifikimin dhe kapjen e autorit/ve.
Në vendgjarje ndodhen dhe grupi i ekspertizës dhe nëndrejtori i policisë së Tiranës.
