Analisti Mustafa Nano ka ironizuar ministren Elisa Spiropali, e cila në studion e Opinion, mbajti një qëndrim të prerë dhe mospërfillës ndaj vendimit të opozitës për të dorëzuar mandatet.
Nano e cilësoi Edi Ramën si bosin e Elisa Spiropalit, ndërsa ajo duke reaguar tha se ai është kryeministri i vendit. Duke iu përgjigjur Spiropalit, Nano i tha “pse se pranon ti që Rama është bosi jot…” .
“Ai bosi jot, duhet që të marrë me më shumë seriozitet këtë opozitë sepse llogaritë bëhen me këtë opozitë që kemi, dhe s’mund të thuash se do të bëjmë një opozitë ne”, tha Nano, edhe pse e cilësoi si shumë të gabuar dorëzimin e mandateve.
“Unë jam me idenë që hesapet duhen bërë me këtë opozitë siç është. Këtu do precipitojë në një konflikt civil. Dhe këta zotërinjtë që erdhën do kenë tjetër qëndrim. Përplasja do të ndodhë që të ndërrojë një klasë politike të korruptuar me një klasë politikë të korruptuar. Nuk e shikoj me entuziazëm.
Nuk ka ndodh ndonjëherë që ndërkombëtarët të jenë në kor kundër opozitës. Marrëdhëniet e opozitës me ndërkombëtarët këna qenë gjithmonë të vështira. Unë e shikoj që do ketë zgjedhje të parakohshme, por do ketë kur të dojë kryeministri. Në këto rrethana që opozita ka marrë këtë vendim , mund t’i vëmë shumë etiketa”, tha Nano.
