Tunne Kelam, përfaqësuesi i delegacionit të komisionit të Jashtëm të Parlamentit Europian që ka zbarkuar në Tiranë, e ka vënë theksin te bashkëpunimi politik, shqetësimi për largimin e të rinjve, anashkalimi i shoqërisë civile nga ligjbërërja dhe ligji i Arsimit të Lartë.
“Organizatat e shoqërisë civile kanë nevojë të kenë akses në institucione dhe duhet të marrin pjesë në bërjen e ligjeve. E ardhmja është rinia, ofrimi i arsimit të lartë për të rinjtë dmth që të shmangen idetë për të larguar nga vendi, zëri i studentëve duhet dëgjuar nga qeveria. Sa i takon reformës së arsimit, është në interes kombëtar të merret në konsideratë zëri i studentëve”, tha ai.
“Kemi ardhur në atmosferën e shpresën. Pikë së pari, se jemi të interesuar që Shqipëria të çelë zyrtarisht negociatat. Ky objektiv është shumë i rëndësishëm dhe do jetë objektivi më i rëndësishëm derisa të kemi arritur këtë fazë. Të gjitha problemet mund të zgjidhen brenda Bashkimit Europian. Problemi i demokracisë, të bashkëpunimeve mes partive, mund të zgjidhen dhe stabilizohen brenda BE-së, është shumë e rëndësishme të mos ketë asnjë lloj vonesë për shkak të mosmarrëveshjeve kombëtare. Jemi të interesuar të mirëpresim Shqipërinë në be po aq sa shqiptarët. Keni bërë progres domethënës në shumë fusha, sigurisht që mbeten ende gjëra për tu bërë. Megjithatë, gjëja më e rëndësishme është zbatimi, për të qenë të gatshëm për të filluar ju negociatat, por për këtë gjë nevojitet bashkëpunim i brendshëm. Sinjali më i keq që mund të japë Shqipëria është që ka ndasi të mëdha politike. Dhe në të gjitha rastet, nr dimë shumë raste kur kombe më të vogla janë bërë pjesë e BE, por duhet konsensus politik. Duhen lënë mënjanë ndasitë. Nëse Shqipëria është në demokraci dhe zgjedhjet janë mbajtur, mund të ketë probleme me zgjedhjet, por ato janë të njohura, janë pranuar dhe duhet të aderojnë institucionet. Sepse bojkotimi përbën një sinjal shume të keq, cenohet e shtetit dhe kombit në tërësi. S’jemi dakord që bojkotimi i parlamentit do jetë gjëja e duhur për të bërë. Ju bëjmë thirrje partive politike dhe shoqërisë civile që të bëjnë presion që palët politike të bashkëpunojnë. S’mund të kesh një pretendim që të vonosh objektivin e vendit për anëtarësimin në BE. Protestat para parlamentit dhe para qeverisë, ne jemi absolutisht kundër protestave të dhunshme se s’është mënyrë demokratike për zgjidhjen e problemeve dhe jemi kundër nxitjes së dhunës nga partitë politike”, tha Tunne Kelam, gjatë një konferencë për mediat, që erdhi pas takimeve të delegacionit me përfaqësues të opozitës, kryeministrin Rama dhe Cakajn, të ngarkuarin në krye të ministrisë së Jashtme, kryeparlamentarin Ruçi dhe grupe të shoqërisë civile.
Në 5 Mars, në PE do të diskutohet raporti që do të paraqesë delegacioni. “Më 5 mars do diskutojmë vizitën në Shqipëri, në maj vjen Hahn. Në 29 Maj, do na sjellë raportin për Shqipërinë, do shkëmbejnë opinione dhe mbështetja ndaj të gjitha grupeve politike për çeljen e negociatave do vazhdojë”, tha një prej anëtarëve të delegacionit. /Boldnews.al/
